Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Navin C. Chaturvedi
tamaam khushk dayaaron ko aab detaa thaa
hamaaraa dil bhi kabhi aasmaan jaisaa thaa
ajiib lagti hai mehnat-kashon ki bad-hali
yahaan talak to muqaddar ko haar jaanaa thaa
· · ·
Navin C. Chaturvedi
kitni baar bataaun tujh ko kaisaa lagtaa hai
tujh se milnaa baatein karnaa achchhaa lagtaa hai
nthuni se uupar palkon se niche ghunghaT rakh
mujh ko aadhaa chaand bahut hi pyaaraa lagtaa hai
· · ·
Navin C. Chaturvedi
aur to apni qismat mein kyaa likkhaa hai
tere naam ki maalaa japnaa likkhaa hai
kab tak meraa naam chhupaaegi sab se
hiir tire chehre par raanjhaa likkhaa hai
· · ·
Navin C. Chaturvedi
ham vahi naadaan hain jo khvaabon ko dhar kar taak par
jaagte hi roz rakh detaa hai khud ko chaak par
dil vo dariyaa hai jise mausam bhi kartaa hai tabaah
kis tarah ilzaam dhar dein ham kisi tairaak par
· · ·
Navin C. Chaturvedi
ghanimat se guzaaraa kar rahaa huun
magar charchaa hai jalsa kar rahaa huun
zamaane tujh se tauba kar rahaa huun
badan kaa rang niilaa kar rahaa huun
· · ·
Navin C. Chaturvedi
hairat-angez huaa chaahti hai
aah zarkhez huaa chaahti hai
apni thoDi si dhanak de bhi de
raat rang-rez huaa chaahti hai
· · ·
Navin C. Chaturvedi
us mein rah kar us ke baahar jhaanknaa achchhaa nahin
dil-nashin ke dil ko kamtar aanknaa achchhaa nahin
jis ki aankhon mein hamesha bas hamaare khvaab hon
us ki palkon par udaasi Taanknaa achchhaa nahin
· · ·
Navin C. Chaturvedi
aur taaaruf hamaaraa ho bhi kyaa
ik shanaavar jo Duub tak na sakaa
kuchh bhanvar yuun uchaT paDe the jyuun
khud-kushi par ho koi aamaada
· · ·
Navin C. Chaturvedi
mahfilon ko guzaar paae ham
tab kahin khalvaton pe chhaae ham
hain udaasi ke kokh-jaae ham
zindagi ko na raas aae ham
· · ·
Navin C. Chaturvedi
gham ki Dhalvaan tak aae to khushi tak pahunche
aadmi ghaaT tak aae to nadi tak pahunche
ishq mein dil ke ilaaqe se guzarti hai bahaar
dard ehsaas tak aae to nami tak pahunche
· · ·
Navin C. Chaturvedi
ye ajuba to ho nahin saktaa
sab kuchh achchhaa to ho nahin saktaa
jis pe aataa hai us pe aataa hai
dil sabhi kaa to ho nahin saktaa
· · ·
Navin C. Chaturvedi
bhulaa diyaa hai jo tu ne to kuchh malaal nahin
kai dinon se mujhe bhi tiraa khayaal nahin
abhi abhi to sitaare zamin pe utre hain
abhi se bazm se apni mujhe nikaal nahin
· · ·
Navin C. Chaturvedi
makaanon ke nagar mein ham agar kuchh ghar banaa lete
to apni bastiyon ko sovarg se baDh kar banaa lete
hamein apne ilaaqon se mohabbat ho nahin paai
vagarna zindagi ko aur bhi behtar banaa lete
· · ·