Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Parkash Fikri
vo raabte bhi anokhe jo duriyaan bartein
vo qurbatein bhi niraali jo lams ko tarsein
savaal ban ke sulagte hain raat bhar taare
kahaan hai niind hamaari vo bas yahi puchhein
· · ·
Parkash Fikri
jhuTi haqiqaton ki tarah log mar gae
lekin dilon pe naqsh vo tasvir kar gae
samjheinge apni 'umr kaa qissa tamaam hai
rang-e-khizaan ko dekh ke jis roz Dar gae
· · ·
Parkash Fikri
dushmani ki is havaa ko tez honaa chaahiye
us ki kashti ko sar-e-saahil Dubonaa chaahiye
chhin kar saari ummidein mujh se vo kahtaa hai ab
kisht-e-dil mein aarzu kaa biij bonaa chaahiye
· · ·
Parkash Fikri
mujhe to yuun bhi isi raah se guzarnaa thaa
dil-e-tabaah kaa kuchh to ilaaj karnaa thaa
miri navaa se tiri niind bhi sulag uThti
zaraa saa is mein sharaaron kaa rang bharnaa thaa
· · ·
Parkash Fikri
ajiib rut hai darakhton ko be-zabaan dekhun
dayaar-e-shaam mein aahon kaa main dhuaan dekhun
chahaar samt se aai thi barf ki aandhi
kahin na phuul na rangon ki titliyaan dekhun
· · ·
Parkash Fikri
aandhiyaan aati hain aur peD giraa karte hain
haadse ye to yahaan roz huaa karte hain
un ke dil mein bhi koi khoj to pinhaan hogi
ye parinde jo havaaon mein uDaa karte hain
· · ·
Parkash Fikri
khunuk havaa kaa ye jhonkaa sharaar kaise huaa
ye meraa shahr dukhon kaa dayaar kaise huaa
bujhe bujhe the bahut naqsh jab ki mausam ke
lahu ke rang kaa un pe nikhaar kaise huaa
· · ·
Parkash Fikri
kal lahakti chaandni ne aur bhi tanhaa kiyaa
main andhere band kamre mein paDaa royaa kiyaa
aandhiyon ki zad mein aa kar aarzuon kaa shajar
khushk patte saa saham kar khauf se larzaa kiyaa
· · ·
Parkash Fikri
ye jo jugnu hain yaa sitaare hain
ham mein raushan hain ye hamaare hain
kyaa khizaan kyaa bahaar kaa jhagDaa
jitne mausam hain ham ko pyaare hain
· · ·
Parkash Fikri
havaa se ujaD kar bikhar kyuun gae
vo patte jo sarsabz shaakhon pe the
hari ghaas kis ke lahu se jali
vo titli ke rangin par kyaa hue
· · ·
Parkash Fikri
shabnam bhigi ghaas pe chalnaa kitnaa achchhaa lagtaa hai
paanv tale jo moti bikhrein jhilmil rasta lagtaa hai
jaaDe ki is dhuup ne dekho kaisaa jaadu pher diyaa
behad sabz darakhton kaa bhi rang sunahraa lagtaa hai
· · ·
Parkash Fikri
rafta rafta sab manaazir kho gae achchhaa huaa
shor karte the parinde so gae achchhaa huaa
koi aahaT koi dastak kuchh nahin kuchh bhi nahin
bhuli bisri ik kahaani ho gae achchhaa huaa
· · ·
Parkash Fikri
mire aangan mein piili dhuup jab divaar se utri
andhere ki siyah chaadar na jaane aur kyon phaili
jalaayaa khvaahishon ne raat ki tanhaai mein mujh ko
bahut hi duur thi par lazzaton ki narm-rau naddi
· · ·
Parkash Fikri
chaandi jaisi jhilmil machhli paani pighle nilam saa
shaakhein jis par jhuki hui hain dariyaa bahte sargam saa
suraj raushan rasta degaa kaale gahre jangal mein
khauf andheri raaton kaa ab naqsh huaa hai maddham saa
· · ·