Ghazal
The lyric art form of Urdu poetry — every sher a universe of longing, love, and philosophy
Featured Poets
All Poets →
Trending Ghazals
Safar Naqvi
vo tijaarat mein kahaan koi ziyaan chhoDtaa hai
ruuh le letaa hai aa'saab yahaan chhoDtaa hai
hai ye patthar miraa shishe se tire baalaa-tar
kam se kam zulm ke maathe pe nishaan chhoDtaa hai
· · ·
Safar Naqvi
baDhegaa din na chalegi havaa hamaare baad
sameT legaa ye duniyaa khudaa hamaare baad
hamaaraa sadqa utaaro ai barchhiyo bhaalo
ki kaun rakkhegaa zauq-e-qazaa hamaare baad
· · ·
Safar Naqvi
zuhur-e-zaat kaa tul-e-masaafat kaun samjhegaa
na ham bole to phir asraar-e-hijrat kaun samjhegaa
zamin par maar kar saaghar ye vaa'iz kahtaa jaataa hai
musalsal hosh mein rahne ki vahshat kaun samjhegaa
· · ·
Safar Naqvi
halqa halqa lag rahaa hai phuul ab zanjir kaa
mahv-e-lutf-e-khvaab aankhein kyaa karein taa'bir kaa
phir nayaa maqtal abhi pusht-e-faras chhoDi nahin
aur na khuun hi suukh paayaa hai miri shamshir kaa
· · ·
Safar Naqvi
us ko khuub aataa hai har adaa judaa rakhnaa
baandh kar zaminon ko aasmaan khulaa rakhnaa
khuub jaantaa hai ye ik faqir haathon mein
kab hai be-kasi rakhnaa kab hai mo'jiza rakhnaa
· · ·
Safar Naqvi
yuun to meri zaat har pal dar-ba-dar hoti rahi
aankh lekin sahn-e-husn-e-yaar par rakkhi rahi
baa'd tere khvaab bhi sab barhana hote rahe
aur in nindon ki bhi ‘ismat-dari hoti rahi
· · ·
Safar Naqvi
hasin itnaa lagaa ham pe muflisi kaa libaas
ki phir banaa hi liyaa is ko zindagi kaa libaas
hamaare naap ke milte hain gham ke pairaahan
hamaare naap kaa miltaa nahin khushi kaa libaas
· · ·
Safar Naqvi
kuchh ko ye zid hai ki ham us ko yahin dekheinge
kuchh ye kahte hain chalo chhoDo vahin dekheinge
qiston qiston mein nihaareinge saraapaa teraa
ek hi baar mein ham puuraa nahin dekheinge
· · ·