pursaan-e-pareshaani-e-insaan nahin koi — Abdul Aziz Khalid

har baat hai 'khaalid' ki zamaane se niraali
baashinda hai shaayad kisi duniyaa-e-digar kaa

kaun mar kar dobaara zinda huaa
kaun mulk-e-fanaa se lauTaa hai

parakhne vaale parkheinge isi meaar par ham ko
jahaan se kyaa liyaa ham ne jahaan ko kyaa diyaa ham ne

shahidaan-e-vafaa ki manqabat likhte rahe lekin
na ki arzi khudaaon ki kabhi hamd-o-sanaa ham ne

qaasid ye zabaan us ki bayaan us kaa nahin hai
dhokaa hai tujhe us ne kahaa aur hi kuchh hai

nai mohabbatein 'khaalid' puraani dostiyaan
azaab-e-kashmakash-e-be-amaan mein rahte hain