kaun mar kar dobāra zinda huā — Shayari Of Abdul Aziz Khalid

parakhne vaale parkheñge isī me.aar par ham ko
jahāñ se kyā liyā ham ne jahāñ ko kyā diyā ham ne

na.ī mohabbateñ 'ḳhālid' purānī dostiyāñ
azāb-e-kashmakash-e-be-amāñ meñ rahte haiñ

qurb nas nas meñ aag bhartā hai
vasl se iztirāb baḌhtā hai

ab āsmāñ se sahīfe nahīñ utarte magar
khulā huā hai dar-e-ijtihād sab ke liye

har baat hai 'ḳhālid' kī zamāne se nirālī
bāshinda hai shāyad kisī duniyā-e-digar kā

jaan kā sarfa ho to ho lekin
sarf karne se ilm baḌhtā hai

vatan kī fikr kar nādāñ musībat aane vaalī hai
tirī barbādiyoñ ke mashvare haiñ āsmānoñ meñ

turkoñ kā jis ne dāman hīroñ se bhar diyā thā
merā vatan vahī hai merā vatan vahī hai

maz.hab nahīñ sikhātā aapas meñ bair rakhnā
hindī haiñ ham vatan hai hindostāñ hamārā

mīr-e-arab ko aa.ī ThanDī havā jahāñ se
merā vatan vahī hai merā vatan vahī hai

ik ḳhūñ-chakāñ kafan meñ karoḌoñ banāo haiñ
paḌtī hai aañkh tere shahīdoñ pe huur kī

ham ahl-e-qafas tanhā bhī nahīñ har roz nasīm-e-sub.h-e-vatan
yādoñ se mo.attar aatī hai ashkoñ se munavvar jaatī hai