lutf-e-sohbat mataa-e-ulfat hai — Abdul Mannan Tarzi

dard kaa silsila hai jahaan tak
dil ki jaagir hogi vahaan tak

— Abdul Mannan Tarzi

teri yaadon ke lamhe bhi bedard the
tujh ko mujh se churaate rahe raat-bhar

— Abdul Mannan Tarzi

is kashmakash mein teri gali se pare rahe
aae kahaan pe harf kahaan par na aae harf

— Abdul Mannan Tarzi

naam-levaa tumhaaraa hai 'tarzi'
aadmi ki tarah milo pyaare

— Abdul Mannan Tarzi

ik qayaamat hai aap kaa vaada
chaliye ye bhi azaab ho jaae

— Abdul Mannan Tarzi

himmat-e-tark-e-vafaa Duub gai
kis ne aankhon mein utaaraa dariyaa

— Abdul Mannan Tarzi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

husn jalva dikhaa gayaa apnaa
ishq baiThaa rahaa udaas kahin

— Saifuddin Saif