is kashmakash mein teri gali se pare rahe — Abdul Mannan Tarzi

dard kaa silsila hai jahaan tak
dil ki jaagir hogi vahaan tak

teri yaadon ke lamhe bhi bedard the
tujh ko mujh se churaate rahe raat-bhar

naam-levaa tumhaaraa hai 'tarzi'
aadmi ki tarah milo pyaare

ik qayaamat hai aap kaa vaada
chaliye ye bhi azaab ho jaae

himmat-e-tark-e-vafaa Duub gai
kis ne aankhon mein utaaraa dariyaa

kyaa yahaan dekhiye kyaa vahaan dekhiye
aap hi aap hain ab jahaan dekhiye

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

qaatil tiri gali bhi badaun se kam nahin
jis ke qadam qadam pe mazaar-e-shahid hai

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

sabza o gul kahaan se aae hain
abr kyaa chiiz hai havaa kyaa hai

teraa ghar aur meraa jangal bhigtaa hai saath saath
aisi barsaatein ki baadal bhigtaa hai saath saath