dard kaa silsila hai jahaan tak — Abdul Mannan Tarzi

teri yaadon ke lamhe bhi bedard the
tujh ko mujh se churaate rahe raat-bhar

is kashmakash mein teri gali se pare rahe
aae kahaan pe harf kahaan par na aae harf

naam-levaa tumhaaraa hai 'tarzi'
aadmi ki tarah milo pyaare

ik qayaamat hai aap kaa vaada
chaliye ye bhi azaab ho jaae

himmat-e-tark-e-vafaa Duub gai
kis ne aankhon mein utaaraa dariyaa

kyaa yahaan dekhiye kyaa vahaan dekhiye
aap hi aap hain ab jahaan dekhiye

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

duniyaa ne teri yaad se begaana kar diyaa
tujh se bhi dil-fareb hain gham rozgaar ke

kahaan itni khabar umr-e-mohabbat kis tarah guzri
tiraa hi dard thaa mujh ko jahaan tak yaad aataa hai

kahaan kaa vasl tanhaai ne shaayad bhes badlaa hai
tire dam bhar ke mil jaane ko ham bhi kyaa samajhte hain