kyaa bataaun chhupaa hai mujh mein kaun — Abdurrahman Momin

kaisi ajiib baat hai tu saamne thaa aur
main tere saamne bhi kisi aur se milaa

yaad aate hain ve din bahut
kyon na ve din dobaaraa karein

aaj suraj ne kah diyaa 'momin'
tu jalegaa to raushni hogi

ve saamne se jaa chukaa to ye khulaa
vo khvaab lag rahaa thaa khvaab thaa nahin

jaane kyaa kah rahaa thaa vo mujh se
main ne bhi kah diyaa ki khush huun main

abhi se tujh ko paDi hai visaal ki miri jaan
abhi to hijr ne unvaan hi nahin paayaa