ye kaun phir se unhīñ rāstoñ meñ chhoḌ gayā — Ahmad Faraz

ranjish hī sahī dil hī dukhāne ke liye aa
aa phir se mujhe chhoḌ ke jaane ke liye aa

ab ke ham bichhḌe to shāyad kabhī ḳhvāboñ meñ mileñ
jis tarah sūkhe hue phuul kitāboñ meñ mileñ

kisī ko ghar se nikalte hī mil ga.ī manzil
koī hamārī tarah umr bhar safar meñ rahā

tum takalluf ko bhī iḳhlās samajhte ho 'farāz'
dost hotā nahīñ har haath milāne vaalā

ab to ye aarzū hai ki vo zaḳhm khā.iye
tā-zindagī ye dil na koī aarzū kare

jo zahr pī chukā huuñ tumhīñ ne mujhe diyā
ab tum to zindagī kī duā.eñ mujhe na do

justujū kho.e huoñ kī umr bhar karte rahe
chāñd ke hamrāh ham har shab safar karte rahe

baḌe baḌe ġham khaḌe hue the rasta roke rāhoñ meñ
chhoTī chhoTī ḳhushiyoñ se hī ham ne dil ko shaad kiyā

dil ajab shahr ki jis par bhī khulā dar is kā
vo musāfir ise har samt se barbād kare

zamāna aql ko samjhā huā hai mish.al-e-rāh
kise ḳhabar ki junūñ bhī hai sāhib-e-idrāk

guzar jā aql se aage ki ye nuur
charāġh-e-rāh hai manzil nahīñ hai!

yahāñ kisī ko koī rāsta nahīñ detā
mujhe girā ke agar tum sambhal sako to chalo