baDe baDe gham khaDe hue the rasta roke raahon mein — Nida Fazli

ek be-chehra si ummid hai chehra chehra
jis taraf dekhiye aane ko hai aane vaalaa

kuchh bhi bachaa na kahne ko har baat ho gai
aao kahin sharaab piyein raat ho gai

apne lahje ki hifaazat kijiye
sher ho jaate hain naa-maalum bhi

ghi misri bhi bhej kabhi akhbaaron mein
kai dinon se chaae hai kaDvi yaa allaah

zaruri kyaa har ik mahfil mein baiThein
takalluf ki ravaa-daari se bachiye

yuun to qadam qadam pe hai divaar saamne
koi na ho to khud se ulajh jaanaa chaahiye

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dair mein yaa haram mein guzregi
umr tere hi gham mein guzregi

hosh-o-havaas khone lagaa huun firaaq mein
tanhaaiyon ne aisaa muqaffal kiyaa mujhe

shaam bhi thi dhuaan dhuaan husn bhi thaa udaas udaas
dil ko kai kahaaniyaan yaad si aa ke rah gaiin