kaaTi hai gham ki raat baDe ehtiraam se — Ali Ahmad Jalili

ham ne dekhaa hai zamaane kaa badalnaa lekin
un ke badle hue tevar nahin dekhe jaate

— Ali Ahmad Jalili

laai hai kis maqaam pe ye zindagi mujhe
mahsus ho rahi hai khud apni kami mujhe

— Ali Ahmad Jalili

nasheman hi ke luT jaane kaa gham hotaa to kyaa gham thaa
yahaan to bechne vaale ne gulshan bech Daalaa hai

— Ali Ahmad Jalili

roke se kahin haadsa-e-vaqt rukaa hai
shoalon se bachaa shahr to shabnam se jalaa hai

— Ali Ahmad Jalili

kyaa isi vaaste sinchaa thaa lahu se apne
jab sanvar jaae chaman aag lagaa di jaae

— Ali Ahmad Jalili

gham se mansub karun dard kaa rishta de duun
zindagi aa tujhe jiine kaa saliqa de duun

— Ali Ahmad Jalili

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi