mahsus kar rahaa huun khaaron mein qaid khushbu — Ameer Imam

na aabshaar na sahraa lagaa sake qimat
ham apni pyaas ko le kar dahan mein lauT aae

shahr mein saare charaaghon ki ziyaa khaamosh hai
tirgi har samt phailaa kar havaa khaamosh hai

lagi vo tujh si to aalam mein munfarid Thahri
vagarna aam si lagti agar judaa lagti

vo maarka ki aaj bhi sar ho nahin sakaa
main thak ke muskuraa diyaa jab ro nahin sakaa

apni taraf to main bhi nahin huun abhi talak
aur us taraf tamaam zamaana usi kaa hai

jo shaam hoti hai har roz haar jaataa huun
main apne jism ki parchhaaiyon se laDte hue

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

suraj lihaaf oDh ke soyaa tamaam raat
sardi se ik parinda dariche mein mar gayaa

raat aangan mein chaand utraa thaa
tum mile the ki khvaab dekhaa thaa

jab bhi miltaa hai muskuraataa hai
khvaah us kaa ho ab sabab kuchh bhi