saaraa parda hai dui kaa jo ye parda uTh jaae — Ameer Minai

'amir' ab hichkiyaan aane lagi hain
kahin main yaad farmaayaa gayaa huun

kaun uThaaegaa tumhaari ye jafaa mere baad
yaad aaegi bahut meri vafaa mere baad

zabt dekho udhar nigaah na ki
mar gae marte marte aah na ki

baad marne ke bhi chhoDi na rifaaqat meri
meri turbat se lagi baiThi hai hasrat meri

gaahe gaahe ki mulaaqaat hi achchhi hai 'amir'
qadr kho detaa hai har roz kaa aanaa jaanaa

misi chhuTi hui sukhe hue honT
ye surat aur aap aate hain ghar se