ummid-e-vafaa ke pesh-e-nazar main un ki jafaaein bhuul gayaa — Amjad Najmi

zulf-e-mushkin thi mehrbaan kis ki
bu basi hai dimaagh mein ab tak

— Amjad Najmi

bachhDaa huaa jaise koi milte hi lipaT jaae
yuun tiir tiraa aa ke lipaTtaa hai jigar se

— Amjad Najmi

vafaa ki aaD mein kyaa kyaa hui jafaa ham par
jo dosti yahi Thahri to dushmani kyaa hai

— Amjad Najmi

kis ghalat-fahmi mein apni umr saari kaT gai
ik vafaa-naa-aashnaa ko baa-vafaa samjhaa thaa main

— Amjad Najmi

jab dil hi nahin hai pahlu mein phir ishq kaa saudaa kaun kare
ab un se mohabbat kaun kare ab un ki tamannaa kaun kare

— Amjad Najmi

na duniyaa baais-e-ghaflat na uqbaa vajh-e-hushyaari
rahe jo tujh se ghaafil ham use ghaafil samajhte hain

— Amjad Najmi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir