vafaa ki aaD mein kyaa kyaa hui jafaa ham par — Amjad Najmi

zulf-e-mushkin thi mehrbaan kis ki
bu basi hai dimaagh mein ab tak

bachhDaa huaa jaise koi milte hi lipaT jaae
yuun tiir tiraa aa ke lipaTtaa hai jigar se

kis ghalat-fahmi mein apni umr saari kaT gai
ik vafaa-naa-aashnaa ko baa-vafaa samjhaa thaa main

jab dil hi nahin hai pahlu mein phir ishq kaa saudaa kaun kare
ab un se mohabbat kaun kare ab un ki tamannaa kaun kare

na duniyaa baais-e-ghaflat na uqbaa vajh-e-hushyaari
rahe jo tujh se ghaafil ham use ghaafil samajhte hain

isi kaa naam shaayad zindagi hai
khushi ki ik ghaDi to ik ghami ki

jab ki pahlu se yaar uThtaa hai
dard be-ikhtiyaar uThtaa hai

raushan jamaal-e-yaar se hai anjuman tamaam
dahkaa huaa hai aatish-e-gul se chaman tamaam

mujh ko ye soch hai jiite hain ve kyun-kar yaa-rab
apne maashuqon se jo shakhs judaa rahte hain

zamaana dosti par in hasinon ki na itraae
ye aalam-dost aksar dushman-e-aalam bhi hote hain

ghash khaa ke 'daagh' yaar ke qadmon pe gir paDaa
behosh ne bhi kaam kiyaa hoshiyaar kaa

sahraa pe buraa vaqt mire yaar paDaa hai
divaana kai roz se bimaar paDaa hai