laakh suraj ki inaayaat rahein mere saath — Anwar Minai

har dam duaa-e-aab-o-havaa maangte rahe
nange darakht sabz qabaa maangte rahe

divaangi ki aisi milegi kahaan misaal
kaanTe khaaridtaa huun gulaabon ke shahr mein

is ahd mein rishton ki be-rang dukaanon mein
hiire se bhi mahngaa hai vishvaas kaa aaina

khvaab bikhreinge to ham ko bhi bikharnaa hogaa
shab ki ik ek aziyyat se guzarnaa hogaa

utraa thaa meri ruuh ke rauzan se jo kabhi
ghuT ghuT ke mere jism mein marne lagaa hai vo

jab zamin ke muqaddar sanvar jaaeinge
aasmaan se farishte utar aaeinge

pyaaso raho na dasht mein baarish ke muntazir
maaro zamin pe paanv ki paani nikal paDe

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

chaand ne taan li hai chaadar-e-abr
ab vo kapDe badal rahi hogi

sabza o gul kahaan se aae hain
abr kyaa chiiz hai havaa kyaa hai

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

tum ne kyuun dil mein jagah di hai buton ko 'saabir'
tum ne kyuun kaaba ko but-khaana banaa rakkhaa hai