harim-e-naaz ke parde mein jo nihaan thaa kabhi — Anwar Taban

hanste hanste nikal paDe aansu
rote rote kabhi hansi aai

khushi ki baat aur hai ghamon ki baat aur
tumhaari baat aur hai hamaari baat aur

har ek shakhs miraa shahr mein shanaasaa thaa
magar jo ghaur se dekhaa to main akelaa thaa

shaayad aa jaae kabhi dekhne vo rashk-e-masih
main kisi aur se is vaaste achchhaa na huaa

ji to ye chaahtaa hai mar jaaein
zindagi ab tiri razaa kyaa hai

sukun qalb ko jis se mil jaae 'taabaan'
ghazal koi aisi sunaa dijiyegaa