hanste hanste nikal paDe aansu — Anwar Taban

khushi ki baat aur hai ghamon ki baat aur
tumhaari baat aur hai hamaari baat aur

har ek shakhs miraa shahr mein shanaasaa thaa
magar jo ghaur se dekhaa to main akelaa thaa

shaayad aa jaae kabhi dekhne vo rashk-e-masih
main kisi aur se is vaaste achchhaa na huaa

ji to ye chaahtaa hai mar jaaein
zindagi ab tiri razaa kyaa hai

aaegaa vo din hamaari zindagi mein bhi zarur
jo andheron ko miTaa kar raushni de jaaegaa

sukun qalb ko jis se mil jaae 'taabaan'
ghazal koi aisi sunaa dijiyegaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

mujh mein hain gahri udaasi ke jaraasim is qadar
main tujhe bhi is maraz mein mubtalaa kar jaaungaa

pal-bhar mein banaa dete hain baaton kaa batangaD
rahte hain sadaa taak mein ahbaab hamaare

dard mein lazzat bahut ashkon mein raanaai bahut
ai gham-e-hasti hamein duniyaa pasand aai bahut