muskuraane ki kyaa zarurat hai — Aqeel Nomani

puchho zaraa ye kaun si duniyaa se aae hain
kuchh log kah rahe hain hamein koi gham nahin

anginat safinon mein diip jagmagaate hain
raat ne luTaayaa hai rang-o-nur paani par

ab sang-baariyon kaa amal sard paD gayaa
ab us taraf bhi ranj mire TuTne kaa hai

be-sabab donon mein har ek ko dilchaspi thi
aur har ek se bezaar the ham bhi tum bhi

hamein bhi vaqt ke tufaan mil kar khaa gae aakhir
har ik kashti ko mil jaataa hai saahil ham bhi kahte the

jis ko chaahaa bas usi kaa raasta takte rahe
pattharon ki justuju mein khud ko patthar kar liyaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

main apni khushiyaan akele manaayaa kartaa huun
yahi vo gham hai jo tujh se chhupaa huaa hai miraa

jab se us ki aankh mein aansu dekhe hain
tab se mujh ko paani se Dar lagtaa hai