'aarif'-husain dhokaa sahi apni zindagi — Arif Shafiq

jab koi ahm faisla karnaa
apne bachchon se mashvara karnaa

— Arif Shafiq

gharib-e-shahr to faaqe se mar gayaa 'aarif'
amir-e-shahr ne hiire se khud-kushi kar li

— Arif Shafiq

andhe adam vajud ke girdaab se nikal
ye zindagi bhi khvaab hai tu khvaab se nikal

— Arif Shafiq

'aarif vo faisle ki ghaDi bhi 'ajib thi
dil ko sanbhaalnaa paDaa mizaan ki tarah

— Arif Shafiq

koi lashkar yahaan se guzraa hai
itni ujDi ye rah-guzar kyon hai

— Arif Shafiq

yaqin ab ho gayaa main sach huun 'aarif
jabhi duniyaa mujhe jhuTlaa rahi hai

— Arif Shafiq

kam-umri mein sunet hain
mar jaate hain achchhe log

— Malikzada Javed

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

zindagi ke bahut qarib na jaa
faasla kuchh to apne dhyaan mein rakh

— Akmal Imaam