ho intizaar kisi kaa magar miri nazrein — Arshad Siddiqui

fazaa hai tiira o taarik aur us kaa khayaal
na jaane kaun si duniyaa mein jaa ke soyaa hai

hamein miT ke bhi ye hasrat ki bhaTakte us gali mein
vo hain kaise log yaa rab jo qayaam chaahte hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

tu bevafaa hai tiraa e'tibaar kaun kare
tamaam umr tiraa intizaar kaun kare

ab kaun muntazir hai hamaare liye vahaan
shaam aa gai hai lauT ke ghar jaaein ham to kyaa

hairaan huun is qadar ki shab-e-vasl bhi mujhe
tu saamne hai aur tiraa intizaar hai