go saraapaa-e-jabr hain phir bhi — Arzoo Saharanpuri

bhuul ke kabhi na faash kar raaz-o-niyaaz-e-aashiqi
vo bhi agar hon saamne aankh uThaa ke bhi na dekh

mahsus kar rahaa huun khud apne jamaal ko
jitnaa tire qarib chalaa jaa rahaa huun main

kabhi kabhi to ik aisaa maqaam aayaa hai
main husn ban ke khud apni nazar se guzraa huun

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

jab ki pahlu se yaar uThtaa hai
dard be-ikhtiyaar uThtaa hai

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

yaad aai hai to phir TuuT ke yaad aai hai
koi guzri hui manzil koi bhuli hui dost

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram