Nazeer Akbar Abadi

jaa paDe chup ho ke jab shahr-e-khamoshaan mein 'nazir'
ye ghazal ye rekhta ye sher-khvaani phir kahaan

ishq kaa duur kare dil se jo dhaDkaa taaviz
is dhaDaake kaa koi ham ne na dekhaa taaviz

jo khushaamad kare khalq us se sadaa raazi hai
sach to ye hai ki khushaamad se khudaa raazi hai

qismat mein gar hamaari ye mai hai to saaqiyaa
be-ikhtiyaar aap se shisha karegaa jast

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

aankhon mein meri subh-e-qayaamat gai jhamak
siine se us pari ke jo parda ulaT gayaa