ye sochte hi rahe aur bahaar khatm hui — Asar Lakhnavi

palkein ghaneri gopiyon ki Toh liye hue
raadhaa ke jhaankne kaa jharoka ghazab ghazab

— Asar Lakhnavi

aaj kuchh mehrbaan hai sayyaad
kyaa nasheman bhi ho gayaa barbaad

— Asar Lakhnavi

karam par bhi hotaa hai dhokaa sitam kaa
yahaan tak alam-aashnaa ho gae ham

— Asar Lakhnavi

baat khote jo iltijaa karte
ai dil-e-naa-muraad kyaa karte

— Asar Lakhnavi

jo sazaa diije hai bajaa mujh ko
tujh se karni na thi vafaa mujh ko

— Asar Lakhnavi

qaasid payaam un kaa na kuchh der abhi sunaa
rahne de mahv-e-lazzat-e-zauq-e-khabar mujhe

— Asar Lakhnavi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

sunaa hai vo mire baare mein sochtaa hai bahut
khabar to hai hi magar mo'tabar zyaada nahin

— Zafar Iqbal

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

— Muneer Shikohabadi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'