shab bhar aankh mein bhigaa thaa — Azhar Adeeb

is liye main ne muhaafiz nahin rakkhe apne
mire dushman mire is jism se baahar kam hain

ai shahr-e-sitam chhoD ke jaate hue logo
ab raah mein koi bhi madina nahin aataa

usi ne sab se pahle haar maani
vahi sab se dilaavar lag rahaa thaa

der lagti hai bahut lauT ke aate aate
aur vo itne mein hamein bhuul chukaa hotaa hai

ham ne ghar ki salaamti ke liye
khud ko ghar se nikaal rakkhaa hai

hamaare naam ki takhti bhi un pe lag na saki
lahu mein gundh ke miTTi jo ghar banaae gae

jhaankte raat ke garebaan se
ham ne sau aaftaab dekhe hain

shor din ko nahin sone detaa
shab ko sannaaTaa jagaa detaa hai

raushni ho rahi hai kuchh mahsus
kyaa shab aakhir tamaam ko pahunchi

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

dil mein na ho jurat to mohabbat nahin milti
khairaat mein itni baDi daulat nahin milti

us ko sochun to dhyaan mein mere
khushbu aati hai pahli baarish ki