us ne mere naam suraj chaand taare likh diyaa — Azra Parveen

chaar samtein aaina si har taraf
tum ko kho dene kaa manzar aur main

— Azra Parveen

zamin ke aur taqaaze falak kuchh aur kahe
qalam bhi chup hai ki ab moD le kahaani kyaa

— Azra Parveen

simaT gai to shabnam phuul sitaara thi
biphar ke meri lahar lahar angaara thi

— Azra Parveen

rang apne jo the bhar bhi kahaan paae kabhi ham
ham ne to sadaa radd-e-amal mein hi basar ki

— Azra Parveen

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

chaand ne taan li hai chaadar-e-abr
ab vo kapDe badal rahi hogi

— Jaun Elia

us ke munh pe mukar gayaa thaa dil
aaj had se guzar gayaa thaa dil

— Divyansh Rawat