rang apne jo the bhar bhi kahaan paae kabhi ham — Azra Parveen

chaar samtein aaina si har taraf
tum ko kho dene kaa manzar aur main

— Azra Parveen

zamin ke aur taqaaze falak kuchh aur kahe
qalam bhi chup hai ki ab moD le kahaani kyaa

— Azra Parveen

us ne mere naam suraj chaand taare likh diyaa
meraa dil miTTi pe rakh apne lab rotaa rahaa

— Azra Parveen

simaT gai to shabnam phuul sitaara thi
biphar ke meri lahar lahar angaara thi

— Azra Parveen

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq