zamin ke aur taqaaze falak kuchh aur kahe — Azra Parveen

chaar samtein aaina si har taraf
tum ko kho dene kaa manzar aur main

us ne mere naam suraj chaand taare likh diyaa
meraa dil miTTi pe rakh apne lab rotaa rahaa

simaT gai to shabnam phuul sitaara thi
biphar ke meri lahar lahar angaara thi

rang apne jo the bhar bhi kahaan paae kabhi ham
ham ne to sadaa radd-e-amal mein hi basar ki

main baDaa ho gayaa huun magar bachpanaa
mere dil se kabhi bhi gayaa hi nahin

meri khaamoshiyon ke aalam mein
guunj uThti hai aap ki aavaaz

har ek baat zabaan se kahi nahin jaati
jo chupke baiThe hain kuchh un ki baat bhi samjho

sochaa thaa ki us bazm mein khaamosh raheinge
mauzu-e-sukhan ban ke rahi kam-sukhani bhi

abhi dikhaao na tasvir-e-zindagi is ko
ye bachpanaa hai abhi muskuraanaa chaahtaa hai

rone lage to kaun hamein chup karaaegaa
so is ki ehtiyaat hai ham ro nahin rahe