miri kalaai pe baandhi ghaDi mein Thahraa hai — Bilqees Khan

samajh rahi huun tu rasta badalnaa chaahtaa hai
main tere lahje ki saari jihaat dekhti huun

usi ki taal mein gum hai sadi kaa sannaaTaa
vo ek giit abhi tak jo gungunaayaa nahin

mere pairon ko Dasne vaalaa saanp
meri gardan mein kyon hamaail hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa