kyaa usi kaa naam hai raanaai-e-bazm-e-hayaat — Chandrabhan Khayal

vaqt aur haalaat par kyaa tabsira kiije ki jab
ek uljhan dusri uljhan ko suljhaane lage

— Chandrabhan Khayal

nazar mein shokh shabihein liye hue hai sahar
abhi na koi idhar se dhuaan dhuaan guzre

— Chandrabhan Khayal

sochtaa huun to aur baDhti hai
zindagi hai ki pyaas hai koi

— Chandrabhan Khayal

apni divaaron se kuchh baahar nikal
sirf khaali ghar ke baam-o-dar na dekh

— Chandrabhan Khayal

shahr mein jurm-o-havaadis is qadar hain aaj-kal
ab to ghar mein baiTh kar bhi log ghabraane lage

— Chandrabhan Khayal

paas se dekhaa to jaanaa kis qadar maghmum hain
an-ginat chehre ki jin ko shaadmaan samjhaa thaa main

— Chandrabhan Khayal

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq