hai khuub manzar-e-chaara-gari ki ham ne yahaan — Deepak Purohit

khushaamad taabedaari minnat-o-khidmat sujud-e-husn
azal se didani hai bebasi-o-aajizi-e-ishq

— Deepak Purohit

ye kaisi bad-duaa di hai kisi ne
samundar huun magar khaaraa huaa huun

— Deepak Purohit

azal se barse hai paakizgi falak se yahaan
numaayaan hove hai phir shakl-e-bahan mein vo yahaan

— Deepak Purohit

kahaan jurat in ashkon ki ki dehri aankh ki laanghein
hai pahraa zabt kaa aisaa ki sahme sahme rahte hain

— Deepak Purohit

yuun guftugu-e-ulfat dilchasp ham kareinge
aankhon se tum kahoge aankhon se ham suneinge

— Deepak Purohit

khub-ru kaun ye aayaa chaman mein aaj ki yaan
sharm se surkh hue jaate hain ye phuul sabhi

— Deepak Purohit

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

ab duaaon ke liye uThte nahin hain haath bhi
be-yaqini kaa to aalam thaa magar aisaa na thaa

— Mohsin Ehsan

marne ki duaaein kyuun maangun jiine ki tamannaa kaun kare
ye duniyaa ho yaa vo duniyaa ab khvaahish-e-duniyaa kaun kare

— Moin Ahsan Jazbi