khub-ru kaun ye aayaa chaman mein aaj ki yaan — Deepak Purohit

ye kaisi bad-duaa di hai kisi ne
samundar huun magar khaaraa huaa huun

azal se barse hai paakizgi falak se yahaan
numaayaan hove hai phir shakl-e-bahan mein vo yahaan

kahaan jurat in ashkon ki ki dehri aankh ki laanghein
hai pahraa zabt kaa aisaa ki sahme sahme rahte hain

yuun guftugu-e-ulfat dilchasp ham kareinge
aankhon se tum kahoge aankhon se ham suneinge

havas-e-zar ne kiyaa rishton kaa jo haal na puchh
khuun rulaataa hai yahaan khuun kaa rishta apnaa

khushaamad taabedaari minnat-o-khidmat sujud-e-husn
azal se didani hai bebasi-o-aajizi-e-ishq

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

paa-ba-gil be-khudi-e-shauq se main rahtaa thaa
kucha-e-yaar mein haalat miri divaar ki thi

rahe qafas hi mein ham aur chaman mein phir phir kar
hazaar martaba mausam bahaar kaa pahunchaa

apne kuche mein mujhe rone to de ai rashk-e-gul
baaghbaan paani hamesha dete hain gulzaar ko