Deepak Purohit

achchha hua zaban-e-khamoshi na tum paDhe
shikve mire vagarna rulate tumhen bahut

havas-e-zar ne kiya rishton ka jo haal na puchh
khuun rulata hai yahan khuun ka rishta apna

khub-ru kaun ye aaya chaman men aaj ki yaan
sharm se surkh hue jaate hain ye phuul sabhi

tha kabhi un ki nigahon men buland apna maqam
itni uncha.i se gir kar bhi koi bachta hai

jab aana khvab men haule se narmi se qadam rakhna
garan hai ik zara aahaT tire mahv-e-tasavvur ko

yuun guftugu-e-ulfat dilchasp ham karenge
ankhon se tum kahoge ankhon se ham sunenge

khushaamad taabedaari minnat-o-khidmat sujud-e-husn
azal se didani hai bebasi-o-aajizi-e-ishq

ye kaisi bad-duaa di hai kisi ne
samundar huun magar khaaraa huaa huun

azal se barse hai paakizgi falak se yahaan
numaayaan hove hai phir shakl-e-bahan mein vo yahaan

kahaan jurat in ashkon ki ki dehri aankh ki laanghein
hai pahraa zabt kaa aisaa ki sahme sahme rahte hain

yuun guftugu-e-ulfat dilchasp ham kareinge
aankhon se tum kahoge aankhon se ham suneinge

khub-ru kaun ye aayaa chaman mein aaj ki yaan
sharm se surkh hue jaate hain ye phuul sabhi