phulon ki taazgi mein udaasi hai shaam ki — Faraz Sultanpuri

ye dil hai dil ise siine mein hargiz
kabhi rakhnaa na tum patthar banaa ke

— Faraz Sultanpuri

dhuup ki sakhti to thi lekin 'faraaz'
zindagi mein phir bhi thaa saaya bahut

— Faraz Sultanpuri

'faraaz' is tarah zindagi hai gizaari
ki goyaa koi haadsa chhoD aae

— Faraz Sultanpuri

kahin aisaa na ho main duur khud apne se ho jaaun
meri hasti ke hangaamon mein kuchh tanhaaiyaan rakh do

— Faraz Sultanpuri

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq