tire bimaar kaa guldaston se chehra nahin khiltaa — Gulshan Mehra

jise bhi chaahiye baa-shauq rakh le
ye ik patthar jo mujh mein dil-numaa hai

— Gulshan Mehra

mujhe tum kyaa bataaoge hadon se paar kyaa kyaa hai
jahaan tum jaa rahe ho naa vahaan se lauT aayaa main

— Gulshan Mehra

use har haal mein yakjaa karungaa
vo TuuTaa shakhs meraa aaina hai

— Gulshan Mehra

main apne aap se ik shart haaraa huun bataaun kyaa
mujhe lagtaa thaa meraa dil kabhi patthar nahin hogaa

— Gulshan Mehra

ye dard jo tum ko hai diyaa tum se milaa thaa
ham ne koi saamaan tumhaaraa nahin rakkhaa

— Gulshan Mehra

faqat kahne ki baatein hain kise kis kaa sahaaraa hai
tumhaaraa gham tumhaaraa hai hamaaraa gham hamaaraa hai

— Gulshan Mehra

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar