darakhton par parinde lauT aanaa chaahte hain — Haider Qureshi

vasl ki shab thi aur ujaale kar rakkhe the
jism o jaan sab us ke havaale kar rakkhe the

— Haider Qureshi

maut se pahle jahaan mein chand saanson kaa azaab
zindagi jo qarz teraa thaa adaa kar aae hain

— Haider Qureshi

paani mein bhi chaand sitaare ug aate hain
aankh se dil tak vo zarkhezi ho jaati hai

— Haider Qureshi

chaand ban kar chamakne vaale ne
mujh ko suraj-misaal kar Daalaa

— Haider Qureshi

dil ko to bahut pahle se dhaDkaa saa lagaa thaa
paanaa tiraa shaayad tujhe khone ke liye hai

— Haider Qureshi

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha