vasl ki shab thi aur ujaale kar rakkhe the — Haider Qureshi

darakhton par parinde lauT aanaa chaahte hain
khizaan-rut kaa guzar jaanaa zaruri ho gayaa hai

maut se pahle jahaan mein chand saanson kaa azaab
zindagi jo qarz teraa thaa adaa kar aae hain

paani mein bhi chaand sitaare ug aate hain
aankh se dil tak vo zarkhezi ho jaati hai

chaand ban kar chamakne vaale ne
mujh ko suraj-misaal kar Daalaa

dil ko to bahut pahle se dhaDkaa saa lagaa thaa
paanaa tiraa shaayad tujhe khone ke liye hai

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

kamre mein kuchh bhi nahin bas intizaari rah gai
ek adhuraa 'ishq aur khushbu tumhaari rah gai

hijr ki raat ye har Dubte taare ne kahaa
ham na kahte the na aaeinge vo aae to nahin

ek tumhaari yaad ne laakh diye jalaae hain
aamad-e-shab ke qabl bhi khatm-e-sahar ke baad bhi