koi ilzaam koi tanz koi rusvaai — Haleem Qureshi

ab tujhe kaise bataaein ki tiri yaadon mein
kuchh izaafa hi kiyaa ham ne khayaanat nahin ki

aage jo qadam rakkhaa pichhe kaa na gham rakkhaa
jis raah se ham guzre divaar uThaa aae

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

jab ki pahlu se yaar uThtaa hai
dard be-ikhtiyaar uThtaa hai

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

yaad aai hai to phir TuuT ke yaad aai hai
koi guzri hui manzil koi bhuli hui dost

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram