nazar na aai kabhi phir vo gaanv ki gori — Hazin Ludhianvi

utar ke niche kabhi mere saath bhi to chalo
buland khiDkiyon se kab talak pukaaroge

tundi-e-sail-e-vaqt mein ye bhi hai koi zindagi
subh hui to ji uThe, raat hui to mar gae

aao mil baiTh kar hansein bolein
nahin maalum kab judaa ho jaaein

tulu hogaa abhi koi aaftaab zarur
dhuaan uThaa hai sar-e-shaam phir charaaghon se

jo paa liyaa tujhe main khud ko DhunDne niklaa
tumhaare qurb ne bhi zakhm-e-naa-rasaai diyaa