dekh kar meraa dasht-e-tanhaai — Ibn

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

chaand kaa husn bhi zamin se hai
chaand par chaandni nahin hoti

— Ibn

likhne ko likh rahe hain ghazab ki kahaaniyaan
likkhi na jaa saki magar apni hi daastaan

— Ibn

husn banaa jab bahti gangaa
ishq huaa kaaghaz ki naav

— Ibn

zamin ki kokh hi zakhmi nahin andheron se
hai aasmaan ke bhi siine pe aaftaab kaa zakhm

— Ibn

ajiib baat hai kichaD mein lahlahaae kanval
phaTe puraane se jismon pe saj ke resham aae

— Ibn

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi