rotaa hai koi kisi ke gham mein — Iqbal Khusro Qadri

main nahin miltaa kisi se
band phaaTak boltaa hai

— Iqbal Khusro Qadri

jab saaya bhi shishe ki tarah TuuT gayaa
divaar ne dekhaa ye tamaasha na kabhi

— Iqbal Khusro Qadri

band aankhon mein saaraa tamaasha dekh rahaa thaa
rasta rasta meraa rasta dekh rahaa thaa

— Iqbal Khusro Qadri

sarhad-e-jaan talak qalam-rau dil
is se aage nizaam dard kaa hai

— Iqbal Khusro Qadri

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

intihaa ke qarib hai duniyaa
aadmi aakhiri sadi kaa huun

— Zubair Khayali

husn jalva dikhaa gayaa apnaa
ishq baiThaa rahaa udaas kahin

— Saifuddin Saif