sarhad-e-jaan talak qalam-rau dil — Iqbal Khusro Qadri

main nahin miltaa kisi se
band phaaTak boltaa hai

jab saaya bhi shishe ki tarah TuuT gayaa
divaar ne dekhaa ye tamaasha na kabhi

band aankhon mein saaraa tamaasha dekh rahaa thaa
rasta rasta meraa rasta dekh rahaa thaa

rotaa hai koi kisi ke gham mein
sab apne hi dukh bichaarte hain

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

didani hai ab shikast-e-zabt ki be-chaargi
muskuraataa huun magar dil dard se labrez hai

kafan ki qimat suneinge murde to is ke sadme se ji uTheinge
janaaza uTThegaa ab kisi kaa na ab kisi kaa mazaar hogaa