zulf-e-sumbul nikhat-e-gul mauj-e-sabza mauj-e-aab — Jaleel Manikpuri

uDaati hai vo tegh chaadar lahu ki
shahidon ko khilat ataa ho rahaa hai

— Jaleel Manikpuri

pyaari surat vo haae kyaa hogi
jis ko be-dekhe pyaar aataa hai

— Jaleel Manikpuri

sote mein vo jo mujh se ham-aaghosh ho gae
jitne gile the khvaab-e-faraamosh ho gae

— Jaleel Manikpuri

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

— Jaleel Manikpuri

mohabbat ek taraf se mazaa nahin deti
kuchh iztiraab tujhe ho kuchh iztiraab mujhe

— Jaleel Manikpuri

aaj hai vo bahaar kaa mausam
phuul toDun to haath jaam aae

— Jaleel Manikpuri

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

dasht ki naa-tamaam raahon par
koi saathi hai to shajar tanhaa

— Vijay Sharma

jo dil ne kahi lab pe kahaan aai hai dekho
ab mahfil yaaraan mein bhi tanhaai hai dekho

— Zehra Nigaah

go mujhe ehsaas-e-tanhaai rahaa shiddat ke saath
kaaT di aadhi sadi ek ajnabi aurat ke saath

— Anwar Shuoor

main akelaa huun tu bhi tanhaa hai
ham bhi kitne hain be-sahaare dekh

— Sabir Adeeb

aao tum hi karo masihaai
ab bahalti nahin hai tanhaai

— Muneer Niyazi