main to tanhaa thaa magar tujh ko bhi tanhaa dekhaa — Jameel Malik

ye manzar ye ruup anokhe sab shahkaar hamaare hain
ham ne apne khun-e-jigar se kyaa kyaa naqsh ubhaare hain

— Jameel Malik

aap mein gum hain magar sab ki khabar rakhte hain
ghar mein baiThe hain zamaane pe nazar rakhte hain

— Jameel Malik

ham to tamaam umr tiri hi adaa rahe
ye kyaa huaa ki phir bhi hamin bevafaa rahe

— Jameel Malik

baagh mein jaa kar dekh liyaa
koi nahin thaa tujh saa phuul

— Jameel Malik

ham se koi taalluq-e-khaatir to hai use
vo yaar baa-vafaa na sahi bevafaa to hai

— Jameel Malik

us ki khamoshiyon mein nihaan kitnaa shor thaa
mujh se sivaa vo dard kaa khugar lagaa mujhe

— Jameel Malik

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq