main apni yaatraa par jaa rahaa huun — Mahender Kumar Sani

main chaahtaa huun ki teri taraf na dekhun main
miri nazar ko magar tu ne baandh rakkhaa hai

use main duur hi se dekhtaa rahaa 'saani'
jo aaj paani mein utraa huun to khulaa dariyaa

jaane kaisi raushni thi kar gai andhaa mujhe
is bhayaanak tirgi mein bhi bujhaa rahtaa huun main

tiraa vajud tire raaste mein haail hai
yahin se ho ke miraa qaafila guzartaa hai

divaar o dar ne rangon se daaman chhuDaa liyaa
yak-rangi-e-sukut se kyuun ghar niDhaal hai

yaqinan sochtaa hogaa vo mujh ko
use main ne abhi sochaa nahin hai