leaderi mein bhalaa huaa un kaa — Majeed Lahori

jahaan rahti thi ''zoara-jaan'' kabhi
pir-saahib kaa aastaana huaa

chiin o arab hamaaraa hindostaan hamaaraa
rahne ko ghar nahin hai saaraa jahaan hamaaraa

murghiyaan kofte machhli bhune titar anDe
kis ke ghar jaaegaa sailaab-e-ghizaa mere baad

faatiha-khvaani mein ahbaab uDaaeinge polaav
aur kareinge miri bakhshish ki duaa mere baad

kal ye ik uunT se kahtaa thaa shuturbaan 'majid'
kaun hogaa tire ghamzon pe fidaa mere baad

manzil pe pahunch sakte nahin aise musaafir
har gaam pe ho khauf jinhein aabla-paa kaa

bajaa hai khvaab-navardi pa khvaab aaise hon
khule jo aankh to apnaa hi ghar khanDar na lage

'ajib haal hai tujh se bichhaD ke bhi ab tak
ye dil tujhi se bichhaDne ke Dar mein rahtaa hai

hain hamaare jitne leader sabhi bhuTTe chor kyon hain
koi chaara-saaz hotaa koi gham-gusaar hotaa

jhuuT honTon pe bilaa-khauf-o-khatar aayaa hai
muddaton shahr mein rah kar ye hunar aayaa hai

bas ek khauf thaa zinda tiri judaai kaa
miraa vo aakhiri dushman bhi aaj maaraa gayaa