gar us ke or koi garmi se dekhtaa hai — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

dikhaai diye yuun ki be-khud kiyaa
hamein aap se bhi judaa kar chale

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

mire saliqe se meri nibhi mohabbat mein
tamaam umr main naakaamiyon se kaam liyaa

dil ki yak qatra khuun nahin hai besh
ek aalam ke sar balaa laayaa

'mir-taqi' ke rang kaa ghaaza ru-e-ghazal par aa na sakaa
'kaif' hamaare 'mir-taqi' kaa rang uDaayaa logon ne