jo is shor se 'mir' rotaa rahegaa — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

dikhaai diye yuun ki be-khud kiyaa
hamein aap se bhi judaa kar chale

'mir'-saahib zamaana naazuk hai
donon haathon se thaamiye dastaar

mire saliqe se meri nibhi mohabbat mein
tamaam umr main naakaamiyon se kaam liyaa

'mir-taqi' ke rang kaa ghaaza ru-e-ghazal par aa na sakaa
'kaif' hamaare 'mir-taqi' kaa rang uDaayaa logon ne