baandhaa thaa khud hi aap ne paighaam-e-iltifaat — Muhammad Ayyub Zauqi

rakhte hain jo allaah ki qudarat pe bharosa
duniyaa mein kisi ki vo khushaamad nahin karte

— Muhammad Ayyub Zauqi

raaste mein mil gae to puchh lete hain mizaaj
is se baDh kar aur kyaa un ki inaayat chaahiye

— Muhammad Ayyub Zauqi

hadis-e-dil ba-zabaan-e-nazar bhi kah na sakaa
huzur-e-husn baDhi aur bebasi meri

— Muhammad Ayyub Zauqi

khudaa jaane ye soz-e-zabt hai yaa zakhm-e-naakaami
kabhi hoti na thi siine mein lekin ye jalan pahle

— Muhammad Ayyub Zauqi

un ki nigaah-e-lutf ki taasir kyaa kahun
zarre ko aaftaab banaa kar chale gae

— Muhammad Ayyub Zauqi

duniyaa ke is ibrat-khaane mein haalaat badalte rahte hain
jo log the kal mashhur-e-jahaan hain aaj vahi gumnaami mein

— Muhammad Ayyub Zauqi

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha